[Poema] Villafranqueñus i villafranqueñas

sanchez_juanpedroLos pueblos de colonización han configurado parte de la historia más cercana de Extremadura. A ellos llegó gente de todas partes de la región. Cada uno con su familia, con su acento, con sus tradiciones. Pero todos unidos por la pobreza y por el proyecto franquista del Plan Badajoz, con el que la dictadura pretendió dulcificar la masacre de la guerra a su paso por nuestra tierra como respuesta a la mayor revolución campesina de la que se cumplen ahora 80 años. Un Plan Badajoz que por otro lado, condenaría a Extremadura a ser mano de obra barata y despensa de todas las fábricas del Mediterráneo. 60 años después, los pueblos de colonización han sabido reinventarse, viven sus propias costumbres y encaran con optimismo y orgullo el futuro de su pueblo. Sirva la historia de Villafranco del Guadiana como homenaje a todos los pueblos de colonización.

Villafranqueñus i villafranqueñas;
veníus d’ahuera, padris i madris, ijus, ijas i parientis,
Aquí tós uníus pa tental d’ahilal palantri.
Pa salil d’esti hoyancu, d’esti bujeru en que mos tienin metíus.
Qué clisi, maldita clisi la nuestra!
Essa clisi tonta i rácana que mina de miseria la vida delos estremeñus!
Más entavía. Más delo que huimus un día.

Aquí estamus, velaquí, arrebujaus i arrejuntandu unas perrinas palos que no tienin ni pa comel;
arrimandu el ombru pa sel una mijina solidarius, una mijina mejol pressonas.
Dispués de cincuenta añus en esti puebru golvemus a ayual-mus comu ermanus.
Comu hizun los nuestrus padris, madris, agüelus i agüelas.
Ya izimus, o izin ellus, ata bisagüelus i bisagüelas.
Un día llegarun con una manu alantri i otra detrás,
subíus en un carru tirau de bestias.
Conos zagalis estirancaus enas albardas delos burrus i las mulas.

Cargaítus lo mesmu d’ilusionis que de penas.
Ahutandu los mieus que revolavan enas sus molleras.
Dios míu, qué cutaínus, qué probecinus!
Tanta pena que no cogía ni siquiera enas alfojas ni enos seronis.
Atrás una vía çaleá de colol negru, mu negru.
Ena metá del secanu, un provenil sequientu.
Delantri delos sus ojus una casina, una vaca i una parcela con agua de Guadiana.
I ya está, era muchu i no era ná.
Una miaja pan pa descallal las bocas esgalamías dela guerra.

Assín llegarun i assina apencarun.
En resestiendu a caiquandu, en siendu más listus que la hambri.
I lo consiguierun, sin gañoteal ná. Toítu con el suol delas sus frentis.
Un toru, una vaca, dos i tres.
Una mula, otra, i a cambiá-la por ressabiá.
Más ressabiá que las moscas quandu el veranu achicharra.
Aquí vinierun de Quintana, d’Alangi, d’Ornachus, de Carmonita, de Guareña, de Campanariu, de Frexenal, dela Morera, de Valverdi de Leganés, de Garlitus, de Nogalis, de San Rafael d’Olivença, d’Esparragosa, de Chelis, del Montiju, de Lobón, de Talavera, de Solana, de Villafranca, de Monesteriu, de Malcozinau, del Valli de Santa Ana, dela Cosera, de San Vicenti d’Alcántara, d’Entressierra, d’Alconchel, dela Albuera, de Magacela, de Benquerencia, de Talarrubias, del Entrín, d’Abuquerqui, de Murcia… ata dela capital! Ata de Badajó!
Obrerus i colonus juntus ena faena.

I alogu vinu el tractol. Essa máquina colorá i alogu verdi, la yondi.
Qué güena, qué maravilla d’inventu.
S’acabó el çachal la tierra de sol a sol.
Ya más nunca hocinus que cuertan el pelleju sin compassión.

I assín huerun andandu i cavilandu, hizierun surcus i vereas nunca vistas en Estremaúra.
Los sus ijus huerun mejol entavía.
I las escurriajas dela familia, los últimus dela casa, el sestu, el sétimu o el otavu; más de dies, angunu, tuvu estudius.

Quién lo diva a izil en Villafrancu, lo que ás mudau! Las tus callejinas, los tus parquis, las tus praças i las tus fiestas.
Ara aquí vos veis, cincuenta añus dispués ya semus más de mil quinientus.
Vusotrus, villafranqueñus del sigru ventiúnu.
Arrempuxandu con caraiti.
Haziendu huerça otra ves, comu los vuestrus antigus.
Ya pareceis un puebru con raízis.
Ya vais tuviendu una estoria, un passau pa contal-si-lu alos vuestrus ijus.
I un porvenil pa precurá-lu i pa pressiguí-lu.

Muchus ya no vais pal campu, no labrais ni vos montais en el burru.
Ara vos estruís, estudiais i escrevís en el interné.
Seis meicus, avogaus i maestrus.
Noragüena, lo beis conseguíu entri tós.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s