El puebru estremeñu

Gordo_DanielAlo primeru vos quieru esprical por qué escrivu en estremeñu. La razón es bien cenzilla. I es que no se puei palral de puebru estremeñu mentris que s’aborreci la su coltura i, sobre tó, la su lengua. La lengua es el canal por mé de que se tramiti esta coltura, es la que hazi que sigamus tuviendu una coltura viva i no folclori de museu etnográficu, es la que premiti que sigamus essistiendu comu puebru.

Esti pensamientu, que tan claru pareci ena antropología i que tan bien s’entiendi en Cataluña, Galicia o el País Vascu, paquí mos pareci estrañu o mesmu un risoriu. Sedrá el comprexu seglal d’amilanamientu que tenemus los estremeñus quandu mos comparamus o sedrá la costumbri que tien el pogressismu estremeñu de pensal que defendel la nuestra dentiá es propiu namás que de facistas que se quierin ponel porcima delas otras nacionis.

Enque tengamus una estoria i un passau, enque tengamus una coltura que es propia nuestra i enque tengamus una idioma propia reconocía comu tal ena UNESCO o ena Carta Europea de Lenguas Minoritarias, el casu es que, entre unus i otrus, acabamus por desprecial una lengua que muestra mejol que ná la nuestra essencia comu puebru, el nuestru miajón.

Assinque amus a palral de ‘puebru estremeñu’. Porque por causa dela desconocencia dela nuestra estoria, essa que hazi que la nuestra dentiá comu puebru esté tan achaciná, paeci mesmamenti que Estremaúra no huera essestíu ata’l 1983.

Esta estremeñería, o dentiá estremeña, es una custión que mos porta ala nochi delos tiempus. La horma de vida roal i tradicional d’Estremaúra, mesmu con tantus sigrus i envadimientus de por mediu, no se destingui muchu dela que tuvun los nuestrus antepassaus lusitanus i vetonis. Paquí an raceau romanus, árabis i cristianus peru el miajón del nuestru mundu roal sigui huendu el mesmu.

I la estremeñería, comu tal, está presenti alo menus ya dendi el sigru XVI. Quandu Pedro de Valdivia, natural de Castuera, i Inés Suárez, natural de Prasencia, fundan la ciá moderna de Santiago de Chile lo hazin con el nombri de Santiago de la Nueva Extremadura.

Peru ai que asperal-si ata’l 1653 paque Estremaúra se costituya comu una región autónoma. En mediu dela Guerra d’Endependencia portuguesa, un haci de ciais estremeñas, tras de trezi añus resistiendu el frenti prencipal d’esta guerra, decidin de reclamal votu propiu enas Cortis. A pesal delas reclamacionis posterioris delos castellanus i los leonesis, es dendi esti momentu quandu ya se puei palral d’Estremaúra no ya namás comu dentiá, que tamién comu territoriu acotau.

En el 1790 aporta la rehorma territorial del Conde de Floridablanca. Comarcas enteras i ciais comu Talavera dela Reina o Bexa quean huera d’Estremaúra. En el 1833 aporta essi escachamientu terribli que á hechu que pensemus que sempri uvun provincias de Caçris i Badajós i dendi antocis estemus ala gresca entre unus i otrus. Dendi’l 1798, colas desamortizacionis, prencipia el desentangamientu dela estrutura tradicional social i económica d’Estremaúra: s’empiençan a hazel privás las hesas i tierras que avían pertenecíu por sigrus alos monicipius estremeñus.

Los resultaus huerun orrorosus: al cael essas tierras comunis enas manus duna oligarquía (liquiamenti folastera), cientus de milis d’estremeñus dexan de tenel derechu ala tierra i se ven obrigaus ala bandolería, ala miseria i ala emigración.

Ata el día de oi siguimus creyendu que los estremeñus nunca án teníu tierra i que esta sempri á síu delos señoritus. Por essu pensamus que el 25 de Marçu del 1936 estavamus acupandu tierras de señoritus quandu lo que estavan a hazel aquellus 81.000 campusinus era prencipial a recuperal las tierras comunis, essas tierras que sempri huerun del puebru estremeñu.

Ata el día de oi siguimus creyendu que los estremeñus no tenemus passau, estoria, lengua ni coltura. La inorancia, essa caena que mos tien escravus.

Anuncios

9 comentarios

    • No es cultura una lengua de hace 200 años? Creo que el latín tiene algun añito mas y todavia se imparte en los institutos de enseñanza secundaria. Tu mismo/a

      Me gusta

  1. Me gusta mucho leer castúo. Gracias por escribirlo de esta manera para que resuenen conocidas palabras que pudieran ser catetas u errores lingüisticos y fonéticos, y resulta que son nuestras de nuestra lengua. Gracias…y que siga viva

    Me gusta

  2. Me alegra saber que aún quedan amantes de nuestras raízes . Es la lengua de nuestros padres y abuelos la que se empeñaron algunos maestros en conbencernos de qué así no se hablaba que éramos unos catetos por hablar de aquella manera

    Me gusta

  3. El caztuo es la lengua del hombre extremeño, recio y trabajador, que expresa tambien la ternura de unas manos encalladas, cuando esta con los suyos, sus animales y las
    alimañas. Pero Extremadura tambien tiene otro dialecto, sobre en que estoy investigando: EL SERRAILLANU

    Me gusta

  4. Excelente!! pienso que esta lengua se debería estudiar en los colegios y en los institutos al igual que se estudian latín, griego, y en algunas comunidades autónomas sus propios dialectos.

    No debería desaparecer nuestra cultura a si que me gustaría que desde el gobierno extremeño se cursara esta clase aunque sea solamente optativa.

    Me gusta

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s